صديقي الذي اصبح زوجتي ؟؟!!

بسم الله الرحمن الرحيم
اللهم صل على محمد وال محمد

صديقي الذي أصبح زوجتي
.
.
الجزء الاول
.
.
قصة واقعية حدثت لشاب في الحادية والعشرين من عمره .....
عصام شاب مجتهد في دراسته من عائلة مرموقة محب للناس ومساعدة الاخرين ..تخرج من الثانوية العامة بمعدل 98 بالمائة وكان الاول على
دفعته .. كان طموحا جدا وكان يتمنى أن يصبح طبيبا. واستطاع أن يحصل على مراد حيث قبل في أحد أكبر الجامعات في المملكة.. وبعد دراسته
بها استطاع أن يحصل على ابتعاث خارج المملكة في أحد الجامعات الاسترالية في مدينة سيدني ..
بدأ الدراسة في تلك الجامعة بكل اجتهاد ..
كان عصام لا يهتم لأي شئ غير دراسته ولا يهتم لأمور الشباب ممن هم في سنه مثل مصاحبة الفتيات وما إلى ذلك ... لم يتعرف عصام على احد
في كليته حتى جاء ذلك اليوم ووصل طالب سعودي جديد... وكان اسمه سهيل .. كان سهيل في مثل عمر عصام وكان شابا فيه من سمات الجمال
مالا يخطر على بال أي شخص .. ومن يراه للمرة الأولى لا يفرق بينه وبين الفتيات مما يحمله من سمات الدلع والاهتمام الزائد بنفسه كما يفعل
الفتيات .. كان سهيل لا يعرف أحدا ولم يكن هناك شباب سعوديين غير عصام وكانوا في نفس القاعة ..عندما رأى سهيل عصام عرف من أول
نظرة انه من السعودية ... بعد انتهاء المحاضرة في ذلك اليوم ذهب سهيل إلى عصام في تردد حيث كان عصام جالسا تحت ظل احد الأشجار في
فناء الجامعة ..
جاء سهيل إلى عصام وقال له :
سهيل :قود مورنينق ((صباح الخير))
عصام:قود مورنينق
سهيل : كان أي اسك يو سمثينق ((ممكن اسألك سؤال))
عصام : يس ؟ (ايه)
سهيل : وير ار يو فروم (من وين انت )
استغرب عصام من سؤاله وقال :
واي ار يو اسكنق (ليش تسأل)
سهيل : بيكوس يو ار لايك سأوديز . (لان شكلك سعودي)
عصام : يس أيام سأودي (ايه انا سعودي)
سهيل :قولي من زمان ... كيف حالك
عصام وهو مبتسم: الحمد لله وأنت من وين .
سهيل :وأنا بعد من السعودية
عصام: يا مرحبا بأهلنا وحبيبنا.. بس شكلك ما يدل انك سعودي أبداااا ... سبحان الله...
سهيل : لييييش؟
عصام: ما ادري بس غريب وبس.
وكان عصام ينظر إلى عيني سهيل الزرقاء متعجبا من جمالها وينظر إلى شعره الطويل الناعم الذي يصل إلى كتفيه والى شفتيه الصغيرتين
الزهرية اللون .. وهو فاتح عينيه في استغراب من جماله الأخاذ .....
سهيل : وش فيك ؟
عصام : هاه لا ولا شي .. الا قولي أنت مبتعث ولا على حسابك الخاص .
سهيل : لا والله مبتعث .
عصام: حلو.. شكلك شاطر .
سهيل : الحمد لله معدلي في الثانوية 95 بالمائة وطلبت ابتعاث والحمد لله قبلوني .
عصام : الله يوفقك ... ما عليش أنا عندي محاضرة عن إذنك ..
سهيل وهو في تردد : عصام عصام ..
عصام : نعم
سهيل : أبيك في موضوع لما تطلع من المحاضرة قابلني هنا .
عصام : إن شا الله .
ذهب عصام وهو يفكر في جمال ذلك الشاب الذي لم ير مثله قط.

خرج عصام من المحاضرة مستعجلا ليرى ماذا يريد منه سهيل .
عصام : السلام عليكم .. وكان سهيل في انتظاره على أحر من الجمر ..
سهيل : هلااااا عصام وينك
عصام وابتسامته العريضة تشق وجهه : ما عليش الدكتور هذا أخرنا شوي .. هه وش بغيت ؟؟
سهيل في خجل واستحياء فاتن للعين وغنج أخاذ وعيناه على الأرض : بصراحة يا عصام أنا أبي اشكي لك حالتي بس ما أبيك تفهمني
غلط ...عصام بعد تفحص عينا سهيل الجميلتين : قول وأنا أخوك .. إذا ما شكيت لي وانا من ديرتك من بتشكي له ؟
سهيل :انا ظروفي صعبه جدا وأبيك تساعدني ..
عصام: إن شا الله بقدر أساعدك ..
سهيل : أنا أبوي متوفي .. وأمي عراقية وعاشت بعد ما طلقها أبوي في العراق وما عندي إخوان ولا خوات أنا الوحيد في عائلتي ومالي احد في
هالدنيا .. حتى فلوسي ما تكفيني إني استأجر شقة والمكافأة باقي بعيدة ... وحتى لو عطوني المكافأة يالله إنها تكفي .. وما أدري وش أسوي .. ولما
شفتك استبشرت خير وقلت يمكن يقدر يساعدني الين ما الله يحلها .. ممكن اسكن معك كم شهر الين ما تتحسن الظروف تكفى يا عصام .
عصام:م : بس ؟ تراك ما طلبت شي مافيه أي مشكلة حياك الله في أي وقت ترى حنا إخوان .. إذا ما ساعدتك من أساعد.. قوم يله خلينا نروح
الشقة.
سهيل : الله يجزاك خير .. تراك بتشيل عني أكبر حمل وماراح انسى لك هالموقف ابداااا .
كبر عصام في عين سهيل وحس باحساس غريب تجاهه وحس انه كان يبي يضمه من الفرحة بس استحى ..
توجه الاثنان معا الى شقة عصام وكان عصام فرحا جدا لانه كان يفتقد للأصحاب ولكن رؤيته لسهيل جعلته يعجب به ويرتاح له ..
في الشقة :
عصام : هلا سهيل تفضل البيت بيتك ..
سهيل : بسم الله ماشاء الله شقتك حلوة شكلك ذويق في اختيار الاشياء ...
عصام : الله يسلمك .. تعال ياسهيل هذي غرفتك ان شا الله تعجبك ..
سهيل : والله اني مستحي منك ..
عصام : لا تستحي ولا شي خذ راحتك .. شوف انا بروح انام شوي وارتاح وانت خذ راحتك طيب ؟
سهيل : طيب .
مرت الايام سريعة وعصام وسهيل يعيشان صداقة ليس لها مثيل .. ويزداد اعجاب بعضهما لبعض ... وفي يوم من الايام كان احد أقارب عصام
قاد م الى مدينة بيرني لبعض الاعمال التجارية .. وقام باتصال لعصام لياقبله في المطار لانه لايعرف شيئا في استراليا .. فذهب الى بيرني
وترك سهيل وحده في الشقة .. فاستغل سهيل الفرصة وبدأ في كشف حقيقة نفسه الخاصة لوحده!!!كان لسهيل حياة خاصة غريبة .. فقد كان
يحب كل ما يتعلق بالفتيات من لباسهن ومكياجاتهن وجميع الاشياء التي يحببنها وكأنه فتاة .. فقد كان لديه بعض الملابس النسائية .. فبدأ بتجربة
تلك الملابس وهو متلذذ بذلك ... واستمر على ذلك الوضع حتى عاد عصام ووجده نائما وعليه ملابس نسائية .. دخل عصام الى الشقة وفوجئ
بما رآه ؟؟؟؟!!!!
استغرب عصام من هذا الموقف ... وفتح عينيه في دهشة .. هل هذا سهيل l!!!
ماهذه الملابس التي يلبسها ...؟؟؟؟؟؟؟

ابغـــى ردود عشان اكمل اوكيه ؟!

يتبع ....

ياااااااااااااااااااااااااااااااااي

قصة جنان

شوقتيناا

والله حاله يعني يعني ويش صاااااااااااااااااار

بسرعه ابغي بقية القصةةة

يلا ردينااا كملي هااااااااا

حلوه القصه

ننتظر البقيه

(فاطميه)

بللللللل ويييش صااار كملي كملي نبي نعرررررف

سلاااااااااااااااااااااام

هلوووووووووووووووووووو

نبي البقيه

لا ننسى القصه هههههههههههههههههههههه

يلا بسرعه
اوكوو

ايييييييييييييييي

يوم اندمجت الا بعدهي القصة ما كملت

يالله كملي القصة

تراش شوقتينااااااااااااااااااااا

نبي نعرف ويش صار

سلام

مشكورات كلكن الي شاركن و هذا الجزء الجديد..

االجزء الثاني .. connie_20.

عصام: سهيل .. سهيل ..
قام سهيل فزعا من مناداة عصام .. ولم ينتبه انه نسي ان يغير ملابسه التي لبسها عندما خرج عصام من المنزل .. وقال : هه وشفيك وشفيك
عسا ما شر
عصام : وش هالملابس اللي انت لابسها ؟؟؟
سهيل : هه .. كيف ؟
عصام : ليش لابس ملابس حريم ؟..
سهيل وهو يحاول ان يبرر موقفه: .. لاااا ههههههه .. ياخي شفت اشلون .. نسيت ما أقولك في وحدة استراليه .. تعرفت عليها وقالت لي تبي
ملابس عربية نسائية .. فرحت واشتريت هالملابس ولبستها لانها قالت لي ان مقاسنا زي بعض .. فجلست ونمت فجأة وما حسيت الا وانت
تصحيني .. ههههههه
عصام والكلام هذا كله ما دخل في راسه : أمممممم حسبته شي ثاني ..
سهيل في خجل وقد احمر خداه : لااا الله يهديك وش تحسب يعني .. خلني اروح ابدل ..
نظر عصام الى سهيل وهو متجه الى غرفته لتبديل ملابسه فرآى فتاه جميلة نحيلة الخصر.. فيها من الخجل مايزيد من جمالها بتلك الملابس
التي جعلت سهيل أجمل من أي فتاة ..
وفي وقت العشاء..
عصام : تصدق يا سهيل ..
سهيل : وشو
عصام : اليوم كان شكلك يهبل ..
خجل سهيل من كلام عصام وسكت ولم يقل شيئا ..
في اليوم التالي قرر عصام أن يراقب تحركات سهيل عن بعد ليرى ان كان فعلا تعرف على فتاة استرالية بالفعل أم لا .. وفي تلك الأحيان لاحظ
عصام أنه لا يختلط بأي أحد غير امرأة كبيرة في السن كان يقابلها دائما بعد انتهاء المحاضرات وكان لديها ابنه في التاسعة عشرة من عمرها
استمر عصام في مراقبة سهيل الى ان اتى ذلك اليوم ولاحظ عصام الكارثة ......
لقد كان سهيل .. يكرر فعلته السابقة وذهب الى محل مكياج للنساء لللتصفيف والتزيين ... وفجأة حصل مالم يخطر على البال ... خرج سهيل بذلك
اللباس النسائي الجميل الذي كان ملائما جدا لجسمه وقد صفف شعره الطويل ووضع مكياجا على وجهه جعله فتاة وليس أي فتاه بل فتاه جميلة
جدااا ...
استغرب عصام أكثر من ذي قبل .. وقرر أن يعرف ما الذي يريد أن يفعله سهيل بهذه الملابس وهذا الشكل الانثوي ..
فجأة حضرت مجموعة من الفتيات وبدأن يضحكن معه ثم توجهن الى مقهى بالقرب من محل الكوافيرة ودخلوا جميعا وعصام يراقب عن كثب ..
واستمر عصام في المراقبة الى أن بدأن في الخروج ... ولم يفعلن شيئا سوى الجلوس وتبادل أطراف الحديث ..
عندما رآهم عصام يخرجن ذهب مسرعا وعاد الى شقته ..
بعد حوالي الساعة .. جاء سهيل ... وكان عصام ينتظره وهو نائم على الاريكة ..
سهيل : السلام عليكم
عصام : وعليكم السلام .. وين كنت ؟
سهيل : كنت بالجامعة ... كان عندي محاضرة ..
عصام : متأكد ؟..
استغرب سهيل وقال : لييش؟؟
عصام : لا بس ناس قالوا انك مانت في الجامعة ..
سهيل وقد غضب : وش تبي ياخي ولي أمري انت .. أنا رجال أروح من وين ما أبي ..
عصام : ما أظن إنك رجال بعد اللي شفته اليوم ..
سهيل وقد بدأ الخوف يدب فيه خوفا من أن يكتشف حقيقته : وش قصدك ؟؟؟
عصام : انت ادرى ..
سهيل: وش قاعد تقول ؟؟؟
عصام : البنات والكوافيرة والمقهى ..
سهيل ودموعه على وشك أن تنزل : اااايه
عصام : وش اللي ايه .. قلي الصدق ولا تخاف.
سهيل في تردد: وش صدقه .
عصام : لبس البنات اللي تلبسه والمكياج الخ..
سهيل : وش تبي مني يا عصام خلني في حالي .
عصام : ماراح أنام اليوم الين ما تقولي كل شي... أو تطلع برا وتشوف لك مكان ثاني غير هالشقة ..
بكى سهيل بحرقة وسكت لفترة .. ثم قال :
اسمعني يا عصام أنا بقولك الحقيقة بس توعدني ما تتخلى عني ..
عصام : ان شا الله ما أتخلى عنك بس قول .
سهيل : بصراحة .. أنا مو ولد .....
عصام: كييييييييف؟؟؟؟؟؟!!!!! وشلون مو ولد
سهيل: أنا بنت..
استغرب عصام من كلامه !!!
عصام: وش لون يعني فهمني ..
سهيل : بقولك القصة كاملة بس اوعدني مرة ثانية انك تحفظ سري ..
عصام: ان شا الله بس قولي تراك حرقت دمي ..
سهيل : طيب ياعصام ..
أنا مو سهيل .. أخوي هو اللي اسمه سهيل أخوي التوأم ..
أنا اسمي سحر ... كنت أنا وأخوي سهيل نتشابه لدرجه ماتتخيلها حتى الصوت زي بعض ما فيه أي اختلاف ..
دخلنا المدرسة مع بعض ولما وصلت الصف الأول ثانوي طلق ابوي أمي .. فراح أخوي سهيل للعراق مع أمي .. وأنا جلست مع ابوي في
السعودية الين ما توفى بعدها بسنة وحدة وأنا جالسة في البيت لا دراسة ولا هم يحزنون .. لما شفت ان حياتي راح تنقلب جحيم وأنا بنت
قررت اني أكمل دراستي بس باسم أخوي سهيل .. ورحت المدرسة هذيك السنة وكنت خائفة ان حد يكشفني ..لكن الحمد لله عدت السنوات
بسرعة وخلصت الثانوية العامة وحصلت على ابتعاث وهذاني عندك .. لو الناس عارفين اني بنت .. صدقني راح اتعب .. لأن ما عندي أقارب
نهائيا .. ولا ولي أمر يعولني .. أتمنى تكون فهمتني .. وتكفى ياعصام ساعدني ما أدري وش أسوي ؟؟؟؟

يتبع

تحياتي ..

بييييييييييييييييييييييييييييييي

يعني حقيقة هالقصة؟؟؟؟؟؟؟؟؟؟؟؟؟؟؟؟؟؟؟؟؟؟؟

انزين شلي صااااااااااااااااااااااااااااااار بعدهاا

رجاااااااااااااااااااااااااااااااء كملي

يعني شلي صاار بشهادتها معقولة وحدة اضيع زهرة عمرها بكذبه ومستقبلها كله ضاااااااااع

صرااحة احسة خياال

صدق قصة حلوة

وعجيبة ومتشوقة أكثر لتكملة القصة

بس مثل ما قالت اختي موون أحس ان القصة خيالية

بس عجيبة

أنتظر البقية بفارغ الصبر

مشكورة اختي بلاك دريم على القصة الرائعة

clapping

السلام عليكم

و هذا الجزء الثالث ..

0
0
0
0
0
0
سكت عصام في ذهول مما سمع ؟؟؟؟؟!!!!!!!
سحر : وش فيك يا عصام قول شي ؟؟
عصام : هاه ؟ لا بس قاعد أفكر ...
سحر : تكفى ساعدني ..
عصام : خير ان شا الله .. اذا جا بكرة يصير خير ..
سحر : يعني أروح أنام في غرفتي ؟؟
عصام : ايه عادي ....
ذهب عصام الى غرفته وهو يفكر في الكلام الذي قاله سهيل أو سحر ؟؟؟؟؟!!!!!
وفكر كثييييرا.. حتى الصباح ولم ينم تلك الليلة .. من التساؤلات التي كانت تدورفي باله ..
وبدأ في حوار طويل مع نفسه ...
عصام : وش اللي قاعد يصير ؟؟ ماني مصدق ؟؟ وشلون ؟؟ ليش ؟؟ وكيف ؟؟ وش أسوي ؟؟ أطردها من الشقة ..
وش اللي يأكد لي انه بنت ؟؟ واللي صار في المقهى ؟؟ الملابس .. المكياج .. البنات .. ؟؟؟؟؟ كيف أتأكد ؟ يمكن يبي يتأكد .. هل أنا بساعده
في المواقف الصعبه ؟؟ بس مو بها الطريقة ..!! وليه يختبرني .......
طيب وشلون أساعدها اذا كانت صادقة ؟ ما أدري .. ما أدري ؟؟؟؟؟؟؟
وفي الصباح ..

خرجت سحر التي كانت هي سهيل في خوف وترقب متجهة الى الجامعة .. ونظرت الى غرفة عصام فوجدت الباب مايزال مقفلا..
سحر : وش فيه ما طلع الجامعة ؟؟ غريبة .. الله يستر من هاليوم .. خليني أروح بس وإذا رجعت يصير خير ..
خرجت سحر الى الجامعة .. وعصام مازال في غرفته يفكر ولم يذهب الى الجامعة في ذلك اليوم .. وبعد سهر طويل وتفكير عميق .. غط عصام
في نوم عميق من شدة الارهاق والتعب ..

انتهت سحر من المحاضرات لذلك اليوم .. وخرجت من القاعة وتوجهت الى الشقة . وفي طريقها الى الشقة لاحظت ان كثيرا من طلبة الجامعة
ينظرون اليها .. فبدأت ثقتها بنفسها تتزعزع .. وبدأ الخوف يدب في أوصالها .. وقالت :
لايكون عصام فضحني .. وقال للناس عن موضوعي .. الله يستر خلني أروح الشقة بسرعة وأشوف الموضوع ...
وصلت سحر الى الشقة ووجدت باب غرفة عصام لا يزال مقفلا.. وقررت أن تدق الباب ..

سحر : عصااااام .. ممكن نتكلم شوي ؟
عصام : ................
سحر : عصام انت تسمعني ؟
عصام : ............
استغربت سحر وقررت أن تفتح الباب .. وعندما فتحته وجدت عصام يغط في نوم عمييييق ..
فأغلقت الباب ببطء وذهبت الى غرفتها وانتظرت مصيرها في يأس ...

في المساء ..
يدق عصام على سحر وهي في غرفتها ..
عصام : سحر؟؟؟
سحر وقد قفزت من فوق سريرها في خوف : نعم ؟؟؟؟؟
عصام : تعالي أبيك
سحر : طيب

ذهب عصام وجلس في انتظار سحر حتى جاءت ... كانت سحر تمشي باستحياء وخجل وخوف في نفس الوقت ... ومن ثم جلست ..
عصام : أنا فكرت في الموضوع كثييير .. ولكن ما أدري وش أسوي .. أبي أسألك وش تتوقعين مني أسوي ؟
سحر: ماما أدري ؟؟؟؟
عصام : إنتي قرري بنفسك ..
سحر : أطلع من الشقة ؟؟!!
عصام : انتي شايفه ان هذا هو الحل ؟؟
سحر : ما أدري ؟ بس يمكن يكون مناسب لك ... بس انت تعرف حالتي المادية واني ما أقدر أستأجر وانت عارف ان الشقق غالية .. وبعدين
أنا بنت لو عشت لوحدي حتى لو كنت متخفية على اني ولد يمكن اتعرض لاي مضايقات وما أقدر أحمي نفسي .. تعرف البنت ضعيفة ..

عصام : فيه حل ثاني ؟؟؟
سحر : انت قرر ..
عصام بعد أن سكت للحظات : خلاص .. شوفي انتي تجلسين معي بالشقة ولكن لازم نكون زي أول تعاملنا كاثنين شباب مو كولد وبنت ..
سحر بفرح : ايه خلاص مو مشكله ..
عصام : بس في مشكلة صغيرة ؟؟
سحر : وشو؟؟؟
عصام : يمكن يزورني أبوي وأمي .. وأمي ما تمر عليها طريقة تنكر أي بنت راح تكشفك بسرعة .. وتبدأ تشك فيني اني ....

سحر : طيب .. كم بيقعدون عندك ؟؟
عصام : ما أدري يمكن يطولون علشان ابوي جاي للعلاج هنا ...

سحر : مو مشكلة حاليا خلني أقعد هنا واذا جو يحلها ربك ..
عصام : خير ان شا الله ...

تمر الايام سريعة وعصام يعيش حالة من التأنيب للضمير لأن فتاة تعيش معه .. ولأن الشيطان شاطر ولربما أغواهم الى فعل المنكر ... ولكن
عصام حاول تفادي رؤية سحر لأن جمالها ازداد في عينه اكثر من قبل ..

وفي يوم من الايام اتصل والد عصام ..

أبو عصام : ألو السلام عليكم ..
عصام : وعليكم السلام ورحمة الله وبركاته ... كيفك يبه ؟
أبو عصام : والله يا وليدي حالتي بدت تتدهور ولازم أسوي العملية في أقرب وقت .. والحمد لله على كل حال
عصام : طيب يبه تعال هنا وسوي العملية .. انت ماقلتلي بتجي ؟
ابو عصام : ايه ياوليدي ان شا الله بعد يومين نكون عندك أنا وأمك ... تقول ما تبي تخليني لحالي .. والظاهر انها تغير علي ..
عصام : هههههههه .. هذا هو الحب يبه ما تبي تتخلى عنك ولا لحظة .. الله يخليكم لبعض .
ابو عصام : خذ امك وانا ابوك تبي تكلمك ..
عصام : هلا يمه ..
ام عصام : كيفك يا وليدي ؟؟ ان شا الله بخير ؟
عصام : الحمد لله .. انتي كيفك وكيف صحتك بشريني عنك ؟
ام عصام : انا بخير والحمد لله .. بس شايله هم ابوك ... بشرني كيف دراستك ان شا الله كل شي تمام ؟
عصام : أبشرك يمه كل شي زي ما تبينه وأحسن ..
ام عصام : انتبه على نفسك يا وليدي .. وخل عنك الحركات البايخة ..
عصام : ههههههه وشو حركاته يمه ..
ام عصام : لا ولا شي بس يقولون لي البنات عندكم ما خذين راحتهم في كل شي .. رايحين جايين لا رقيب ولا حسيب .. وخايفة عليك منهم ..
عصام : لا ولو يمه انا ترتيبتك .. وبعدين انا جاي هنا ادرس ماني جاي العب ..
ام عصام : الله يوفقك يا وليدي .. شد حيلك ..
عصام : ان شا الله يمه ..
ام عصام : يله مع السلامه
عصام : فمان الله .

فرح عصام لان والديه سوف يأتون اليه بعد هذه المدة الطويلة فقد اشتاق اليهما كثيرا ... وفجأة تذكر سحر ..
وتذكر كلام والدته له .. فارتبك وخرج مسرعا .. وذهب الى غرفة سحر .. ودق الباب

عصام : سحر .. سحر ..
سحر وقد قفزت من على سريرها في هلع واستغراب لان عصام لم يكن يتكلم معها كثيرا منذ مدة .. فاستغربت مناداته لها ..
سحر : نعم؟؟؟؟؟!!!
عصام : افتحي الباب ..

فتحت سحر الباب وكانت تلبس بيجامة زهرية اللون .. وشعرها متناثر على اكتافها .. ووجهها الجميل يعتريه الخوف والاستغراب ...

عصام وقد نظر اليها في اعجاب شديد .. وهو يقول في نفسه : ياألله وش هالجمال ياناس حرام تتبهذل كل هالبهذله .. وحرام اترك هالجمال كله
يطلع من عندي ..

سحر ومازال النوم في عينيها : ايش فيك يا عصام ؟
عصام : لا بس ابيك في موضوع ..

سحر : طيب أغسل وجهي واجيلك ..
فلما دخلت سحر لغسل وجهها بعد النوم تذكرت انها خرجت عليه ببجامة النوم .. اعتراها الحياء والخجل من نفسها بشدة ...
خرجت سحر بعد أن غيرت ملابسها .. وقالت :
وش موضوعك يا عصام تفضل ..

عصام : بصراحة الوالد كلمني وبيجي هو وامي بعد يومين ... وحبيت اخبرك ..
سحر بعد سكوت للحظات : ايوه؟؟؟
عصام : نبي ننفذ اللي اتفقنا عليه ..
سحر : وش اللي اتفقنا ؟؟
عصام : انه لما يجون اهلي نشوف لك حل ...

سحر وقد ملأت الدموع عينيها الجميليتين : وش راح أسوي ؟؟ ما أدري ؟؟
عصام : انا بساعدك ..
سحر : كيف يا عصام ؟
عصام : راح أعطيكي مبلغ تستأجرين شقة لحد ما يروحوا أهلي ..

سحر وقد احست بالاحراج من عصام : بصراحة انا تعبتك معاي كثير .. ولكن ان شا الله بعوضك كل اللي عطيتني لما اتوظف ..
عصام : ولو... احنا اخوان .. ولا يهمك ..
سحر : اخوان؟؟؟؟؟
عصام : ايه و أكثر بعد ..
سحر وقد بدأت مشاعرها العاطفية تتأجج تجاه عصام الذي أصبح أعز شخص في حياتها لوقفاته الرجولية التي وقفها معها :
وش لون أكثر يعني ؟؟
عصام وهو ينظر اليها بإعجاب : الأيام بتثبت لك ..
سحر في استحياء وكأنها فهمت قصد عصام من كلامه ونظراته :خلاص عن اذنك بروح غرفتي ..

عصام : وين بدري .. ورا ما تقعدين شوية معي ولا طفشتي من شوفتي ..
سحر : لا والله .. بس عندي شوية مذاكرة وواجبات ..

عصام وهو مبتسم : خلاص روحي يالشاطرة ...

ذهبت سحر وهي في فرحة عارمة لأول مرة في حياتها تحس ان أحدا يهتم لامرها ويريد مساعدتها بأي طريقة .. وأكثر من ذلك أنها أحست
باعجابه الشديد لها .. كما انها كانت ايضا معجبة به منذ ان رأته لاول مرة وازداد اعجابها الان اكثر من قبل ..

في الصباح وبعد ان انهى عصام محاضراته ذهب ليجد شقة لسحر وحاول ان تكون الشقة قريبة منه وكان على استعداد ان يدفع أي مبلغ لتكون
قريبة منه .. وبالصدفة وجد شقة خرج اصحابها منها ذلك اليوم وقد كانت في نفس العمارة التي توجد بها شقته .. فاستأجرها بدون ان يسأل حتى
عن ايجارها ...

ذهب الى شقته وتوجه مباشرة الى غرفة سحر ..
عصام : سحر .. سحر وينك يا سحر ؟؟
ردت سحر من خلف الباب : ايوه يا عصام ؟

عصام : افتحي الباب .. عندي لك بشارة ..
سحر وقد فتحت جزء من الباب : وشو يا عصام بشرني ؟؟؟؟؟
عصام : ابشرك لقيت لك شقة ..
سكتت سحر ولم تكن سعيدة .. لانها سوف تفارق عصام ..
عصام : وش فيك اقولك لقيت لك شقة ..
سحر : الله يبشرك بالخير ... ما فيني شي بس محرجة منك شوي ..
عصام : لا احراج ولا شي .. وأزيدك من الشعر بيت .. تراها في نفس عمارتنا هذي ..

طارت سحر من الفرحة وقالت : من جد يا عصام الله يعطيك العافية ما أدري وش لون اشكرك ..
عصام في مكر : وش اللي مخليكي تفرحين كذا لما عرفتي انها في نفس العمارة ؟؟

سحر في خجل : لا ... بس تعودت على هالمكان ..
عصام : أكيد ولا فيه شي ثاني ..

سحر : شي ثاني ؟؟ وش بيكون يعني ؟
عصام : سحر .. أنا بصراحة تعمدت انها تكون قريبة مني ..

سحر : ليش ؟؟
عصام : تصدقين ؟ ما أقوى على بعدك ...

أقفلت سحر الباب بسرعة من شدة الخجل .. وجلست على سريرها تفكر في ما قاله عصام وهي في قمة السعادة ..
ضحك عصام من ردة فعل سحر وقال :
هذا أحلى شي في البنات ....( الحياء)

يتبع

اي اي وبعدييييييييييييين ويش صااااااااااار

بسرعه بسرعه

girl_sigh

امتابعييييييييييين

السلام عليكم

شكرا لكل من تابع

\
\
\
\
\

الجزء الرابع

وفي اليوم التالي اتصل والد عصام وطلب منه مقابلته في المطار ... وذهب عصام الى المطارلمقابلة والديه ..
في المطار ..
هلاااااا بالغالين أهلي يالله ان تحيهم .. هلا بأمي وأبوي ..
ابو عصام : هلا بك ياوليدي ..
ام عصام : هلا بنظر عيني .. وراك نحفت يمه انت ما تاكل زين ؟؟
عصام : لا يمه ولكن هم الدراسة يمكن مأثر علي .. يله خلونا نروح السيارة ..
في السيارة ..
ابو عصام : كيف حالك.. وكيف أمورك ؟؟
عصام : والله الحمد لله كل الامور طيبه .. ولكن الغربة متعبتنا شوي ..
أم عصام : كيفك يمه وحشتني والله ..
عصام : وأنا أكثر .. كيف الرياض والسعودية و خوالي و أعمامي كلهم ..
أبو عصام : والله كلهم بخير .. ويسلمون عليك .. وعلى فكرة عمك عبدالله جاله ولد ..
عصام : ما شا الله .. مبروك والله لازم أكلمه .. والله اني مقصر معهم وما أكلمهم كثير يمكن مرة أو مرتين من جيت هنا ..
أم عصام : يا وليدي بنت خالتك أمل بتتزوج الصيف الجاي ..
عصام : ما شا الله وش هالاخبار الحلوة اللي جايبينها معكم ..
أم عصام : من اللي قالك ان هذا خبر حلو حسبتك بتزعل لما أقولك .. حرام والله كنت أتمناها لك ..
عصام : كل واحد بياخذ نصيبه ..
أم عصام : وانت يمه منت بناوي تتزوج ؟؟ أبي أشوف عيالك قبل لا أموت ..
عصام : بعيد الشر عنك يمه بعد عمر طويل ان شا الله ..
أبو عصام : أمك صادزة ياوليدي .. لازم نفرح فيك ..
عصام : ان شا الله يبه يصير خير .... يله نزلنا هذي شقتي في هالعمارة ..
في تلك الاثناء عند وصول عصام وأهله كانت سحر تراقب من النافذة لترى أهل عصام ..
سحر : يا حليلهم شكلهم طيبين زي ولدهم ..
بدأت سحر تفكر بعد رؤية أم عصام من الاعلى في طريقة للوصول اليها ومن ثم الوصول الى قلبها .. لاجل ان تكسبها وتحببها الى قلبها وبدأت في التخطيط ..
في الشقة ..
عصام : تفضلوا حياكم ..
أبو عصام : ما شا الله شقتك حلوة .
عصام : مشكور يبه .. الحين انتوا ارتاحوا وأنا بروح أجيب لكم عشاء ..
أم عصام : لا يمه خلاص حنا تعشينا في الطيارة .. أنا بدخل أنام ..
عصام : على راحتكم ....
في الصباح ..
يخرج عصام ووالده الى المستشفى لعمل الفحوصات اللازمة وتبقى والدته نائمة في الشقة.. وفي تلك الاثناء كانت سحر تنظر من النافذة ..
سحر : وين أم عصام ؟؟ شكلها مبرايحة معهم .؟؟ والله فرصة اني أتعرف عليها ..
وبعد حوالي الساعة ..
جرس الباب يدق .. تنهض أم عصام لترى من الذي يطرق الباب ..
أم عصام : مييين ؟؟؟
سحر : افتحي يا خالة أنا جارتكم ..
أم عصام : منو هذي الحين ..
وتفتح أم عصام الباب .. فإذا بها ترى تلك الفتاة الجميلة .. التي تبتسم لها ..
سحر تقبل أم عصام على رأسها : كيف حالك يا خالتي الحمد لله على السلامة ..
أم عصام : الله يسلمك ..من انتي ؟
سحر : أنا جارتكم .. ساكنة جنبكم في هالشقة سمعتكم البارح لما جيتوا وحبيت اني اسلم عليكم ..
أم عصام : انتي سعودية ؟؟
سحر : ايه ..
أم عصام : تفضلي يا بنيتي لا توقفين على الباب ..
تدخل سحر وكلها أمل ان تلقى اعجاب أم عصام بها ..
أم عصام : كيف حالك يابنيتي ؟؟
سحر وهي تحاول أن تكون لبقه في كلامها مع أم عصام : الحمد لله ..
أم عصام : انتي هنا مع هلك ؟؟
سحر وكأنها صفعت على وجهها : اييه أكيد بكون مع هلي ..
أم عصام : تدرسين ولا جايين تتمشون ؟
سحر : لا والله جايه أدرس .. خالتي خليني أقوم أسويلك فطور ..
أم عصام : أي والله يا بنيتي والله جيعانه .. بس ما قلتي لي وش اسمك ؟
سحر : أنا اسمي سحر ..
أم عصام : عاشت الاسامي ..
وتذهب سحر الى المطبخ وتحضر الفطور لام عصام بجد واجتهاد وكل شوق ان تتذوق من يدها شيئا وتمتدحها ..
سحر : تفضلي ياخالتي ان شا الله يعجبك ..
أم عصام : بسم الله ..
وتبدأ أم عصام بالاكل وسحر تنظر اليها خوفا من ان لا يعجبها ..
أم عصام : ما شا الله شكلك طباخة ..
سحر في سعادة شكرا يا خاله بالهنا والشفا
أم عصام وقد بدأت بالاعجاب بسحر لما رأتها مهتمة بها وطيبة معها وتحب انت تخدمها : انتي مخطوبة يا بنتي ؟؟
سحر وبسرعة :لا يا خالة ..
أم عصام : والله يا بنيتي أنا ولدي عصام ودي أزوجه و أدورله على بنت الحلال وودي أفرح فيه .. وانتي اشوفك انسانه طيبه وحلوة ومناسبة لولدي ..
طاااارت سحر من الفرحة لانها لم تتوقع ردت فعل أم عصام بهذه السرعة ولكن لم توضح لأم عصام مدى سعادتها ..
أم عصام : ايش رايك في عصام يا بنيتي .. انتي شفتيه ؟
سحر : والله انسان طيب و محترم وما يذكرونه أخواني الا بالخير ..
أم عصام : طيب تقبلين فيه زوج لك ؟
سحر وقلبها يخفق بشدة : بفكر ..
وكان بودها ان تقول موافقة ولكن لابد أن تثقل قليلا حتى لا يفضح أمرها ..
أم عصام : فكري وردي خبر ..
سحر : ان شا الله ... طيب أنا استأذن ياخالة ..
أم عصام : مع السلامة يا بنتي ..
ذهبت سحر وهي فرحة جدا وسعيدة بهذا الحظ الذي جعل أم عصام تطلبها لابنها سريعا ولكن هذه الفرحة لن تستمر؟؟؟
في وقت الغداء بعد عودة عصام ووالدة من المستشفى ومعهم الغداء ..
عصام : كيفك يمه .. ان شا الله نمتي كويس ؟
أم عصام : ايه الحمد .. بس صحيت بدري جتني بنت الجيران وتسليت معها شوي ..
عصام : بنت الجيران ؟؟؟؟من ؟
أم عصام : هذي اللي اسمها سحر .. يا حليلها طيوبه وحلوة .. وكلامها عسل حتى انها سوت لي فطور وكان طبخها يجنن والله انها تستاهل كل خير .. ايش رايك نخطبها لك ؟
عصام في ذهول مما سمع : هاه .. كيف .. وشو ؟
أم عصام : ايه ياوليدي ما أظنك بتلقى زيها ما شا الله عليها زي القمر .. انت تعرف ابوها ؟
عصام : هاه .. ايه أعرفه ..
أبو عصام : اذا كانت البنت تستاهل والله أتمنى انك تتزوجها وانت هنا بعد .. خاصة بعد اللي شفته اليوم من هالبنات في هالديار ما ينفع تقعد عزوبي لازم تتزوج ..
عصام : والله ما أدري وش أقول بفكر في الموضوع ..
دخل عصام غرفته وهو يفكر .. والله انك ذكيه يا سحر قدرتي توصلين لقلب أمي بسرعة .. هاه !!! بس فيه مشكلة وشلون أقول لهم ان ما عندها ابو ..وانها عايشة هنا لحالها والله مشكلة .. خلني أكلم سحر ..
عصام : ألو ..
سحر : هلا عصام .. شخبار الوالد وش سويتوا ..
عصام : الوالد بخير.. سويتيها يا سحر ؟؟
سحر في هلع : وش اللي سويته ؟؟؟
عصام : جيتي للوالدة الصباح هاه ؟؟
سحر في حياء : ايه..
عصام : وش عندك ؟؟
سحر : لا بس حبيت أسلم عليها ..
عصام : تسلمين عليها هاه..
سحر وقد استحت وبدأت تضحك في نفسها : ايه اسلم عليها ..
عصام : ما علينا بصراحة انتي دخلتي قلب أمي بسرعة زي ما دخلتي قلبي ..
سحر في مكر : ومتى دخلت قلبك ؟؟
عصام : من زمان يا سحر وأنا معجب فيك وكل يوم عن يوم يزيد اعجابي فيك أكثر وأكثر ..
سحر : طيب ليش ما قلت لي ؟؟
عصام : ما جا الوقت المناسب عشان أقولك .. وكنت خايف تفهميني غلط ..
سحر : وانت بعد يا عصام .. تراك في قلبي من زمان من أول ما شفتك ..
عصام : يعني تحبيني ..
سحر : ......... ما أدري ..
عصام : ليش ما تبين تقولينها .. طيب أنا بقولها ..
سحر : وشو وش تبي تقول ؟؟
عصام : أنا أحبك ....
سحر وقد اعترتها العاطفة الجياشة والحب الذي جعل قلبها يدق بسرعة و كأنها تنتظر هذه الكلمة منذ زمن بعيد :
وأنا يا عصام أحبك موووت .. وربي..
عصام : طيب يا سحر تتزوجيني ؟؟
سحر في استحياء : ما أدري ؟
عصام : وش اللي ما تدرين ؟؟
سحر : المشكلة أهلك ..
عصام : وش فيهم ؟؟
سحر : ما بيرضون .. لأن ما عندي أهل ..
عصام : أنا سألتك انتي راضية فيني ولا لا ؟
سحر : ..........................
عصام : ليش ما تردين ؟؟؟
سحر : استحي ..
عصام : لا تستحين قولي اللي في قلبك ..
سحر : بصراحة .. انت امنيتي في هالحياة .. وأتمناك اليوم قبل بكرة لاني أحبك وأغليك وأتمنى قربك..
عصام : وأنا بعد يا قلبي ..
سحر : طيب وش بتقول لأهلك ..
عصام : اذا جا الصباح يصير خير .. يله تصبحين على خير ..
سحر : وانت من اهل الخير .. انتبه على نفسك ..
عصام : ان شا الله حبيبتي ..
في الصباح ..
عصام : صباح الخير ..
الاهل : صباح الخير
عصام : يمه ..يبه عندي موضوع مهم ودي أقوله ..
الاب : قول ياولدي وش عندك ..
عصام : بصراحة البنت اللي اللي شافتها أمي أبي أخطبها ..
الوالدين في فرح : الساعة المباركة والله ..
الام : والله خير ما بتختار يا وليدي ..
الاب : خلاص خير البر عاجله .. خلنا نخطبها من أبوها الليلة ..
عصام : شكلكم مستعجلين ..
الام : خلني أروح أسولف مع أمها اليوم وأشوف ايش رايهم ..
عصام : لااا ..لا يمه مو اليوم خليها وقت ثاني ..
الاب : لا يا ولدي خلها تروح وتشوف وش رايهم بعدين نخطبها من ابوها رسمي ..
وفي وسط اصرار الوالدين ..
عصام : طيب .. طيب بس فيه مشكله صغيرة ..
الاب : وش هي يا ولدي ..
انعقد لسان عصام لانه لم يعلم ماذا يقول أو كيف يتصرف في هذا الموقف ..
وفجأة يدق هاتف عصام الخليوي لينقذه من هذا الموقف ..
عصام : عن اذنكم أشوف من اللي يدق علي ..
ويخرج عصام من الشقة ويرد على جواله ليجده أحد زملائة يسأله عن موعد الكويز (الاختبار الاسبوعي ) القادم لاحد المواد .. وبعد أن أغلق السماعة عاد ليفكر ما ذا يفعل ؟؟ وماذا يقول لوالديه ؟؟ وما هي القصة التي يمكن أن يختلقها ؟؟ لو كذب عليهما سيأنبه ضميره ولن يعيش مرتاح الضمير ومن المعروف ان حبل الكذب قصير .. ولا يريد أن يكذب على والديه ؟؟؟؟؟؟؟؟؟
عصام : يااااااألله وش أسوي ألحين ؟؟؟...

يتبع ..

وبعديييييين وش صااار

بدأت سحر تفكر بعد رؤية أم عصام من الاعلى في طريقة للوصول اليها ومن ثم الوصول الى قلبها .. لاجل ان تكسبها وتحببها الى
قلبها وبدأت في التخطيط

حلوه عجبتني
ههههههههههههههه

بقوم اتريق وبكمل القصه خخخخخخخخخخ ..

يبغى ليه حيله جهنميه هالولد

خخخخخخخخخخخخخخخخ

يسلمووووووووووووووو على القصة المشوقه

ننتظر الباقي

يلا بسرعه تعبتيناا ههههههههههه hehe

يالله بسرعة

نبي البقية

شوقتينا أزيد وأزيد

في الانتظار

لا تطولين يا در يم girl_sigh

السلام عليكم

و هذا لعيون المتابعات

النهاية
تعب عصام من التفكير .. وعاد الى ابويه ..
الوالد : من اللي يكلمك يا عصام ؟؟
عصام : لا هذا واحد من الشباب يبي يعرف متى الاختبار ..
الوالد: طيب وشو له تقوم من عندنا ورا ما كلمته وانت جالسن فيذا؟؟؟
عصام وهو مرتبك : لا ولا شاي عادي ..
الوالد : عصام انا حاس ان فيه شي ولا تبي تقوله .. قول يا ولدي لا تخبي علينا ..
عصام : لا يا يبه ما فيه شي الله يعطيك العافية ما فيه شي ..
الوالدة : عصام انا متأكدة انك مخبي عنا شي خاصة لما كلمتك في موضوع البنت ... انت ما تبيها ؟؟ في بالك وحدة ثانية ؟؟ قول لا تستحي ..
عصام وهو يفكر ماذا يقول : بقولكم بعدين .. خلوني اشوف دروسي عندي اختبارات ..
الوالد : بكيفك يا ولدي ..
دخل عصام غرفته وهو في حالة يرثى لها .. وفكر قليلا ثم قال لنفسه : لو قلت لهم الحقيقة هل بيتقبلونها ولا لا ؟؟
يعني أقول لهم ان أهلها تاركينها طول هالسنوات وعايشة لوحدها ؟ ما فيه الا كذا خلني أقولهم ويصير خير ..
وفي المساء ..
هاتف عصام الخليوي يرن ..
عصام : اهاه هذي سحر خلني اشوف وش عندها..الو
سحر: هلا عصام كيفك ؟
عصام : تمام ..
سحر : وش فيك وش هالرد البارد ..
عصام : مافيه شي بس متعبني موضوعك .. وما لقيت حل وما فيه حل الا أقول لأهلي عن موضوعك كله وان شا الله خير
سحر : والله اني خايفة يا عصام شكل الدعوى بتخرب ...
عصام: لا .. ان شا الله ربك كريم خلني اروح لهم واشوف وبعدين أكلمك ..طيب؟
سحر : طيب حبيبي ..
ذهب عصام ووجد والديه جالسان يتناقشان ..
عصام : مسا الخير ..
والد عصام : هلا بولدي تعال اقعد ابيك ..
عصام وقد بدأ قلبه يدق : ايه يبه وش فيك ؟؟
والد عصام : يا ولدي حنا عطيناك فرصة من الصبح الين الحين ما حبينا نضغط عليك علشان تقولنا وش صاير وشفيك يا ولدي افتح لنا قلبك ..
عصام : طيب يبه انا بقولك كل شي بس اوعدوني ما تزعلون مني ؟؟
أم عصام : ان شا الله يا ولدي بس انت تكلم ..
بدأ عصام يسرد قصة سحر على ابويه من البداية الى النهاية .. ثم قال :
وأنا بصراحة الحين ودي اتزوجها .. وهذي هي السالفة كلها ..
نظر والد عصام الى والدة عصام وقال لها : وش رايك ياأم عصام في اللي قاله ولدك
أم عصام : والله ما ادري يا بو عصام ؟؟؟
ابو عصام : وانت يا عصام مصدقها الحين .. وش عرفك ان كلامها صح .. يمكن مسويه مصيبة في السعودية وهاربة .. بنات هالايام الله يكفي شرهم ..
عصام : انا واثق فيها ومتأكد من كلامها ..
ابو عصام : وش اللي يخليك متأكد انت تعرف اهلها ؟؟ ولا تعرف أي شي عنهم .. يا عصام يا ولدي حنا نبي نزوجك بنت تعرف لها أهل لها أقارب مو وحدة مقطوعة من شجرة ..
تألم عصام من كلام والده وقال : لا يبه هذي بنت ضعيفة وتستاهل كل خير وبصراحة انا ما ابي الا هي ..
ابو عصام : يا ولدي الله يهديك تبي تتزوجها وترجع السعودية يقعدون الناس يتكلمون فيك ويقولون جايب وحدة من بنات الشوارع لا أصل ولا فصل ..
عصام : لا يا بوي هذي مو بنت شوارع .. هذي وحدة قدر الله عليها انها تعيش هالحياة المتعبة وأنا كنت اكثر من أخ لها وساعدتها بكل طريقة ممكنة لأني حسيت انها انسانة محترمة وعاقلة وأنا بصراحة أفضلها على بنات الاصل والفصل اللي انت تقول عنهم ..
ابو عصام : لا يا ولدي لا تتبع قلبك بكرة تندم .. لا يغرك جمالها .. الجمال مو كل شي ..
عصام : مو بس حلوة يبه وعاقلة بعد وتسوى عشرين من البنات اللي انت تقول عنهم ....
ابو عصام وقد ازداد غضبه : انت تبي تفضحنا بين الناس .. انا مو موافق هذا كلام نهائي واذا تبي تعصيني تزوجها ..
عصام وقد أوشك على البكاء : لا يبه تكفى أحبها .. يمه قولي شي ..
ام عصام : والله يا وليدي كلام ابوك منطقي ... والشور الاول والاخير لبوك ..
دخل عصام الى غرفته في حزن شديد وبدأ البكاء فقط البكاء .. لم يكن له مؤنساً في ذلك الوقت الا البكاء والبكاء ثم البكاء ....
دق هاتف عصام واذا بها سحر ... فلم يرد ..
واستمرت سحر في المحاولة ولكنه لم يرد ...
سحر : وش السالفة ؟؟ الله يستر والله قلبي ناغزني شكل أهله رفضو؟ طيب ليش ما يرد على الاقل يقول أي شي .. انا ما ني مرتاحة لين اتأكد وش صاير ..
سحر تدق على هاتف عصام ولكن لا يوجد رد ...
سحر : والله ما ارتاح اليوم ماني قادرة لازم أشوف وش السالفة ..
عندي فكرة بروح ادق على الباب وأشوف أم عصام وأقولها انتي محتاجة شي ؟ وأشوف ردة فعلها .. يله خلني أروح ..
وتذهب سحر الى شقة عصام ... وتدق الباب ..
أبو عصام : من اللي يدق ؟؟
سحر في خوف : افتح انا جارتكم ...
يفتح أبو عصام الباب ..
أبو عصام : نعم ..
سحر : لو سمحت أبي أم عصام انا جارتكم ..
أبو عصام : إنتي سحر ؟؟؟
سحر : اايه ..
أبو عصام : روحي يا بنت الناس ترى ما فيه نصيب بينك وبين عصام .. الله يوفقك .. انا ابي ازوج ولدي بنت لها أهل مو بنت ما ندري وين أهلها ...
يغلق أبو عصام الباب في وجه سحر .. وسحر متجمدة في مكانها من هول ما سمعت وقد غرقت عيناها بالدموع .. فقد أحست أن كل شي جميل في حياتها انتهى .. وعادت الى شقتها ورمت بنفسها على السرير وبدأت تنوح وتبكي من حياتها التي ما فتأت تتحسن حتى عادت الى البؤس والشقاء .. تذكرت أمها وأخوها تذكرت حضن أمها الدافئ وقبلاتها وكيف كان ابوها قاسيا عليها .. وكان هناك شبه كبير بين والدها ووالد عصام مما جعلها تتذكر والدها أكثر من ذي قبل ..
وعادت الأحزان الى حياتها .. ولم تعد تطيق المكان الذي هي فيه وبدأت تفكر في ترك الدراسة والذهاب للبحث عن أمها ... وبدأت تتكلم مع نفسها
سحر : ياألله وش هالحياة التعيسة أنا مكتوب علي الشقا .. لا حول ولا قوة الا بالله .. .. وعدني عصام وما صار شي وانتهت امالي واحلامي .. أنا خلاص بروح أدور أمي .. على الأقل أشوفها.. بس وش لون القاها ؟..
وعصام هذا وين رجولته ليش مارد علي شكله مسويها فيني علشان يتخلص مني صح انا غثيته وكلفت عليه كثير .. أنا خلاص بروح العراق ..
في شقة عصام..
عصام مازال غارقا في دموعه ويكلم نفسه قائلا :
يا حرام والله ما تستاهل سحر هذا كله والله ظلم .. ظلم .. خلني أكلمها على الأقل أتطمن عليها ..
عصام : ألو
سحر وهي تبكي : نعم
عصام : وش فيكي تبكين ؟
سحر : وش اللي ما فيني ياعصام .. لو انك رديت علي ما سمعني ابوك هذاك الكلام اللي يسم البدن ..وش شايفيني بنت شوارع انت وياه ..
عصام : لا يا قلبي حاشاك .. والله انك بعيني احسن من كل هالبنات اللي يقول عنهم ابوي
سحر : وش الفايدة من كلامك ولاشي .. اسمعني انا بروح العراق ابي اشوف امي ..
عصام : وشو ؟؟؟ لا يا سحر لا تروحني ..
سحر :يله مع السلامة
تغلق سحر السماعة ..وتتذكر انه كان لدى والدتها كتاب صغير تكتب فيه كل شي مهم .. فذهبت تتصفحة ولأول مرة لعلها تجد شيئا يدلها على أمها .... وفجأة تجد رقم تلفون بالعراق ..
سحر : وش هالرقم ؟؟ أمي ما كتبته هنا الا وهو مهم ؟؟ بس ما عليه اسم ولا شي ؟؟ خلني أدق وأشوف ...
وتدق سحر على ذلك الهاتف ..
سحر : ألو السلام عليكم ..
يرد عليها رجل على الخط الاخر : وعليكم السلام من معي ؟
سحر : هذا منو بيته؟؟
الرجل : هذا منزل سالم الخالد ......
واذا به منزل احد اخوالها الذين لم ترهم قط ...
فرحت سحر بذلك وقالت :
هلا انت خالي سالم
الرجل: ايه انا سالم من انتي ..
سحر : أنا سحر بنت سعاد أختك ..
الخال سالم : مو معقول وشلون قالت امك انت توفيتي ؟؟؟
سحر : لا يا خالي انا حية وبخير ... الا وين أمي
الخال سالم : أمك ؟؟؟
سحر : ايه امي ابي اكلمها ..
الخال : توك تذكرينها ؟؟ أمك توفت يا سحر هي وأخوك سهيل الامريكان رمو عليهم قنبله وتوفو الله يرحمهم البقية في حياتك يا بنتي ..
أسقطت سحر الهاتف من يدها وبدأت تصرخ بأعلى صوتها... فسمعها جميع الجيران ..
سمع عصام صراخ سحر وهرع الى شقتها وخرج ابوه معه.. وبدأ يدق الباب فلم تفتح .. فكسر عصام الباب ودخل فوجدها مغما عليها ... بدأيرشها بالماء حتى صحت وقال
: سحر وش فيك ؟
سحر : أمي وأخوي ما توا يا عصام ما باقى لي احد في هالدنيا ..
عصام : لا حول ولا قوة الا بالله ..
أخذها عصام الى شقته وأوصى أمه أن ترعاها ..
في الصباح ..
أم عصام : اشلونك يا بنيتي ؟
سحر : الحمد لله على كل حال ..
أم عصام وقد حنت وأشفقت عليها كثيرا: الا اقول يابنيتي حنا ودنا نساعدك بأي طريقة ودنا نعرف ابوك وش اسمه لعل وعسى نلقى لك أقارب ولا شي بالرياض؟
سحر في يأس : اسمه سعد العامر ..
تذكرت أم عصام شيئا وشهقت ثم فتحت عينيها بشدة وقامت من مكانها ..
استغربت سحر من أم عصام وقالت : وش فيكي يا خاله ؟؟
أم عصام وهي خارجة من الغرفة متجهه الى ابو عصام: ولا شي ولاشي ..
أم عصام تنادي بصوت عال : يا بو عصام يا بو عصام يابوعصام !!!!!
ابو عصام في هلع : وش فيه وش فيه ؟؟؟؟؟
أم عصام : يا بو عصام تتذكر ان عمك عامر كان عنده ولد وراح العراق هذيك الايام وكان يقول يبي يجاهد ؟؟؟
ابو عصام : ايه اذكر .. وجانا خبر انه توفى .. وش جاب طاريه الحين ؟؟
أم عصام : الظاهر يا بو عصام ان هذي بنته ؟؟!!
فتح ابو عصام عينيه وعصام بجانبه ..
عصام : وش ذا الكلام يمه وش تقولين ؟؟
ام عصام : رح أسألها بنفسك ..
ابو عصام : ممكن تشابه اسماء ..
أم عصام : طيب اسألها عن اسم جدتها ام ابوها وشوف اذا قالت لك نورة فهي أكيد بنت ولد عمك سعد ..
ذهب الجميع مسرعين الى سحر .. وهي مستغربة!!
ابو عصام: وش اسم ابوتس يا بنيتي ؟؟
سحر في خوف : اسمه سعد عامر..
ابو عصام : طيب وش اسم جدتس ام ابوتس ؟؟
سحر : اسمها نورة ليش تسألون ؟؟
بدأت أم عصام تزغرط فرحا : وش هالصدفة الحلوة يا بنيتي ..
سحر : وش السالفة ؟؟؟؟؟..
أبو عصام : انت بنتنا ومنا وفينا يا سحر ..
سحر : وشلون ؟
ابو عصام : ابوكي سعد هو ولد عمي .. لكن من هذيك الايام لما راح العراق انقطعت اخباره وقالوا لنا انه مات وماندري عنه بشي ..
عصام وابتسامته تكاد تشق وجهه: يعني يبه ما عاد فيه عذر الحين ..
أبو عصام : أكيد يا ولدي ..
سحر وهي غير مستوعبه الوضع : يعني ابوي ولد عمك .. يعني انا من عائلتكم ..
أبو عصام : أي نعم يا بنيتي ..
فرحت سحر فرحا شديدا نساها جميع هموم الدنيا .. حيث أنها ظفرت بشيئين الاول حبيبها عصام والثانيه انها لقت أهلها وأصبح لها أقارب ..
بعد أسبوع تزوج عصام بسحر ...... وعاشا بسعادة وهناء ..
طبعا ما كملت سحر دراستها وعادت الى السعودية مع عصام الذي يعمل حاليا ......................(مخفي)

أتمنى تكون اعجبتكم القصة

وتذكروا أن القصه حقيقه وليست من نسج الخيال
وبالنسبه لعصام بالأصل من أهل القصيم وولد فيها

واصلتني ع الإيميل..

تحياتي

واخيراا راح يعرسوووووووووووون
كللويييييييييييييش
هههههههههههههههههههه

استانسنا بالقصة صرااحة
daikeen

نبي بعد قصص

قصة واااااااااااااااجد روعةة

بصراحة

يسلمو دريم

أول مرة أقرأ قصة

خخخخخخخخخ

كله أشوف أفلام

ههههههه